Manado Airways 's Flight Attendants Announcement
Manado Airways 's Flight Attendants Announcement hehehe kalau torang pe kampung halaman pisah dari
Ledis en jentelmen,
Kalu rasa pidis tu mata, atau rasa bapongoh itu talinga,
isap jo itu gula2!
sekarang ikke musti kasi lia pa jij samua cara pake itu tali
mamudung yang ada pa jij pe pinggang, deng itu baju voor batobo, en masker oksigen kalu ngoni pe napas mulai hosa.
Supaya jij boleh selamet, coba lia koa kamari bagemana
cara pasang itu sabuk yang balingkar di jij pe pinggang,
cara kunci supaya nyanda talapas, bekeng kencang deng, bagaimana mo buka nanti.
Itu baju batobo di bawah kursi jij dudu akang, jangan dulu pake kecuali nanti waktu Om Kapten so undang batobo pa torang rame-rame. eit.. jangan lupa, itu barang jangan jij kase pindah neh, apalagi dibawa pulang vor pajangan salon atau dekorasi souvenir ruang tamu tanda jij so pernah terbang, kalu ikke riki, ikke nanti tampar kiri kanang, muka belakang, deng atas bawah, mangarti?
De pe cara pake , itu baju kase lingkar di leher jij, awas jang talalu kencang komang, nanti jij
kong bekeng tasibu pa torang musti bekeng pernapasan tiup ngoni pe mulu, idiiih, jadi ati-ati jo, neh! Supaya boleh timbul di air, hela itu knop warna merah jambu bol, atau bole juga tiup de pe pipa, supaya boleh timbul di air. Kong inga musti tunggu sampe so kaluar dari jandela darurat, baru boleh bekeng dia tabuka, dari kalu nyanda ngoni nanti ta prop di itu jandela atau pintu, bekeng pusing pa torang, kong boleh sampe kriting tong pe tangan nanti mo bahela pa ngoni macet di pintu, komang. Oh yaa, amper lupa itu floit boleh ngoni pake baramaeng prit-pritan supaya jangan fastiu kalu so batobo
di air.
Eh, asal jij samua tau ya, ini pesawat ada dua de pe pintu darurat di muka ada dua, ada dua di belakang, deng ada dua lagi jendela darurat di tengah-tengah. Jadi waktu kaluar nanti nyanda perlu
Kalu nanti tiba-tiba napas hosa bukang lantaran itu rim di pinggangtalalu kancang, atau lantaran salah pasang itu baju batobo, maskeroksigen akan ciri dari atas kepala jij, no hela jo padia kong pasang
diidong en banapas rupa biasa. Kalu ada anak kacili, jij yang so lebe tuwer tolong kase pake pa anak dulu baru pake sandiri, oops so salah, tabubale komaling, musti jij dulu pasang baru kase pasang pa itu kodomo zeg!
Kartu gambar petunjuk vor keselamatan ada di popoji kursi di mukadimana jij ada duduk, jangan ambe birman punya, jang ngoni
Noh, bagitu jo dulu, broer deng zus!
:))
diposting oleh KEJURNAS BRIDGE 2008 @ 09.20
0 Komentar
